8 វិធីជំនួយសម្រស់របស់អ្នកយ៉ាងមាន​ប្រសិទ្ធិ​ភាពដោយវិធីធម្មជាតិ

8 វិធីជំនួយសម្រស់របស់អ្នកយ៉ាងមាន​ប្រសិទ្ធិ​ភាពដោយវិធីធម្មជាតិ

មនុស្សគ្រប់គ្នាចង់មានសម្រស់ដែលស្រស់ស្អាត។ ប៉ុន្តែគ្មាន​នរណា​ម្នាក់ដែលរើសកើតបាន ឬ យកភាពស្រស់ស្អាតមកជាមួយបានទេ ដូច្នេះហើយយើង​គួរតែស្រឡាញ់ខ្លួនឯងឱ្យច្រើន គឺថា

បានមកប៉ុណ្ណាស្អាតប៉ុណ្នឹងក៏បាន ក្រៅពីនឹងយើង​​ទុកឱ្យជា​តួនាទីរបស់ធម្មជាតិជួយអ្នកក្នុង

ការថែរក្សាសម្រស់របស់អ្នកមួយផ្លូវ​ទៀតចុះ ថ្ងៃនេះយើងនឹងបានដឹងពីវិធីរក្សាសម្រស់ដោយ

ធម្មជាតិក្នុងវិធីងាយៗ

1. បន្តឹងរន្ធញើសជាមួយទឹកផ្លែប៉ោមនឹងទឹកឃ្មុំ

យកទឹកផ្លែប៉ោមលាយជាមួយនឹងទឹកឃ្មុំ នៅក្នុងផ្លែប៉ោមមានសារជាតិPectin fiber ដែលជួយ

សំអាតស្បែក រឹតបន្តឹងរន្ធញើស ជួយឱ្យស្បែកមុខស្រស់ស្រាយ និងទឹកឃ្មុំជួយការពារបាក់តេរី។

លាបទឹកផ្លែប៉ោមនឹងទឹកឃ្មុំលើមុខរបស់អ្នកទុក​ប្រហែល 15-20 នាទីបន្ទាប់មកលាងចេញ

ដោយទឹកទឹក​ក្ដៅ​ល្មមៗ។

2. ខាត់ស្បែកដោយប៉េងប៉ោះ

កិនប៉េងប៉ោះនិងអាល់ម៉ុងឱ្យចូលគ្នា បន្ទាប់មកក៏ខាត់តាមកែងដៃឬជង្គង់ ក្នុងប៉េងប៉ោះមាន

អាស៊ីតឡាក់ទិកដែលអាចជួយកម្ចាត់កោសិកាស្បែកដែលស្លាប់ ហើយធ្វើឱ្យស្បែកទន់និង

មានសំណើមផងដែរ។

3. ស្បែកទន់ដោយទឹកដោះគោ

ទឹកដោះគោពេញទៅដោយកាល់ស្យូមនិងសារធាតុរ៉ែ ប៉ុន្តែដឹងទេថាយក​វាមកម៉ាស្សាស្បែកយើង

បានផងដែរ។ យកទឹកដោះគោមកលាយជាមួយអំបិលកូរឱ្យចូលគ្នារហូតដល់ក្រាស់ល្មម បន្ទាប់

មកម៉ាស្សាលើស្បែកតាមកន្លែងដែល​អ្នកចង់ម៉ាស្សា អំបិលអាចជួយយកភាពកខ្វក់ចេញពីមុខ

របស់អ្នកនិងទឹកដោះគោជំនួយការបង្កើនធាតុចិញ្ចឹមដើម្បីបន្ថែមសំណើមដល់ស្បែករបស់អ្នក។

4. ដៃទន់ស្អាតដោយដំឡូងបារាំង

កិនដំឡូងបារាំងនឹងទឹកដោះគោក្នុងបរិមាណស្មើគ្នា យកមកលាបលើដៃបន្ទាប់មក ដណ្តប់ដៃ

របស់អ្នកជាមួយប្លាស្ទិចសម្រាប់បិទអាហារទុកចោលប្រហែល 30 នាទី ជួយជម្រុញចលនាឈាម

ឱ្យរត់បានល្អ ធ្វើឱ្យដៃរបស់អ្នកទន់ជាងមុន។

5. ត្រាំជើងឱ្យទន់ដោយmustard

ប្រេង mustard អាចជួយបន្ថយការឈឺចាប់និងបំបាត់បាក់តេរី ផ្សំប្រេង mustard  3 ស្លាបព្រា

បាយជាមួយទឹកក្តៅ បន្ទាប់មកត្រាំជើងទាំង 2 ខាងក្នុងទឹកនេះប្រហែល 15នាទី  mustard

នឹងជួយជម្រុញចរាចរឈាមរបស់ជើង និងរំញោចសាច់ដុំ  វាជួយក្នុងការបន្ទន់ជើងរបស់យើង

ផងដែរ។

6. ក្រចករឹងមាំបានដោយក្រូចឆ្មា

លាយអំបិល 1 ស្លាបព្រាបាយ ជាមួយក្រូចឆ្មា 2 ស្លាបព្រាបាយ ហើយចាក់ទឹកក្តៅចូល កូរអំបិល

រហូតដល់វារលាយ បន្ទាប់មកជ្រលក់ក្រចកចូល ត្រាំប្រហែល 10 នាទី វិធីនេះអាចប្រើដើម្បីព្យាបាល សក់និងស្បែកបានផងដែរ។

7. សក់ស្អាតដោយទឹកឃ្មុំ

លាយទឹកឃ្មុំ 1 ស្លាបព្រាកាហ្វេ ជាមួយទឹកក្តៅ 1/4 លីត្រ កូរឱ្យទឹកឃ្មុំរលាយ បន្ទាប់មកចាក់ចូលក្នុង

ដបទឹកអប់ដែល​អ្នក​ប្រើអស់ហើយ ហើយយកមកបាញ់លើសក់ ទឹកឃ្មុំជួយឱ្យសក់របស់យើងភ្លឺរលោង

និងមានទម្ងន់ កុំខ្លាចថាទឹកឃ្មុំស្អិតសក់ ពីព្រោះ​តែទឹកឃ្មុំរលាយចូលទៅក្នុងទឹកអស់​ហើយ។

8. ធ្មេញសដោយអំបិល

ជាដំបូងយកអំបិលទៅកិនហើយរំលាយក្នុងទឹក យកទឹកអំបិលមកដុសធ្មេញដូចពេលដែលយើង

ដុសធ្មេញដូចធម្មតា អំបិលអាចជួយកាត់បន្ថយក្លិនមាត់មិនល្អនិងបាក់តេរីពីមាត់ វាធ្វើឱ្យធ្មេញរបស់យើងស មិនចាញ់ថ្នាំដុសធ្មេញដែលមានលក់តាមហាងទូទៅឡើយ ។